Drejtuesit e Komitetit Olimpik të Kosovës, presidenti Ismet Krasniqi dhe sekretari i përgjithshëm, Besim Aliti, kanë pritur udhëheqësit e Federatës së Bodybuildingut dhe Fitnesit të Kosovës, me kryetarin, Esat Lata dhe Federatës së Bodybuildingut të Shqipërisë.

I pranishëm ishte edhe kampioni i botës në Kupën Diamond, bodybuilder shqiptar, Marin Meksa, i cili u përgëzua nga drejtuesit e KOK-ut për suksesin e arritur.

Të tria palët kanë diskutuar për mundësi të ndryshme të bashkëpunimit më të mirë të bodybuildingut dhe fitnessit.

Drejtuesit e KOK-ut, kanë shprehur vullnetin dhe gatishëmrinë, që bashkarisht edhe me Komitetin Olimpik Kombëtar Shqiptar, të përkrahin këtë sport në zhvillimin e mëtejshëm dhe avancimin drejt sukseseve të reja në arenën ndërkombëtare.

Të pranishëm në takim ishin edhe sekretari i përgjithshëm i FBSH, Sabri Dragusha, sekretari i FBBFK-së, Bedri Cehani, ish-presidenti i FBFK-së, dhe Alban Hoti, bashkëpuntor i FBFK-së./Arbresh.info